وسوف ابتدأ انا ان شاءلله قصتى مع الحجاب
بالنسبه لقصتى مع الحجاب فهى كانت بسيطه جدا
لان منذ صغرى ووالدتى شفاها الله وعافاها كانت ممهده لى
ان هييجى الوقت اللى لازم هلتزم فيه وارتدى الحجاب
كما امرنا الله تعالى
وكانت فى كل مره اكون خارجه فيه وانا مش محجبه تذكرنى دائما
بذلك اليوم
وبالفعل قد تكون عندى فكره كبيره ان هاييجى اليوم اللى لازم
ارتدى فيه الحجاب وبالتالى عندى مجىء هذا اليوم كان بالنسبه لى
الأمر عادى جدا وكنت سعيده جدا بالتزامى وارتدائى للحجاب
وكنت يومها فى الصف الثانى الاعدادى
ومنذ ثمانى سنوات تقريبا كانت تراودنى فكرة النقاب
وبرغم ان والدتى منتقبه الا انها لم تجبرنى يوما على ارتداء النقاب
ولكن كنت اتناقش معاها كتير فى هذا الموضوع
وعلى الرغم من ذلك كانت تترك لى حرية ارتدائه من عدمه
الى ان جاء اليوم وكان يوم ختم القرأن فى رمضان من ثمانى أعوام
وكنت فى صلاة التراويح ولحظتها قررت ان سوف ارتدى النقاب
وبالفعل خرجت من صلاة التراويح وانا غير منتقبه وعدت الى المسجد
فى صلاة التهجد وقد منْ الله عليا باارتداء النقاب
ولا أنكر ان الصحبه لها عامل كبير فى التزامى بشكل كبير
بالاضافه الى الجو العائلى المناسب
واللى عايزه اقوله لأى واحده خايفه تتحجب او تلتزم اصل الناس
ممكن يتريقو عليها او شكلها هيكون مش حلو بالحجاب او حتى لما تتجوز
بقولها مين عندك اهم رضا الناس ولا رضا ربك وياترى الأفضل لكِ
لما حد يتقدم للزواج منك واحد شايفك مش محجبه وموافق انك
تكونى زوجه له وانتى على هذا الوضع ام واحد يريد زوجه ملتزمه
وتراعى ربنا فيه وفى بيته وأولاد
وفى النهايه الزواج ده رزق ربنا كاتبه لكل واحد و واحده
يبقى ليه نعصى ربنا ونأجل الحجاب لحد بعد الزواج
قال الله تعالى ( ورزقكم فى السماء وماتوعدون )
وفى النهايه اتمنى الهدايه والثبات لكل بنات وشباب المسلمين
ودمتم دائما كما يحب الله ورسوله
الجمعة فبراير 03, 2012 9:32 pm
