نقاء الروح المدير العام
الجنس : عدد المساهمات : 128 تاريخ التسجيل : 01/08/2011
| موضوع: ماتت حبيبتى الخميس نوفمبر 22, 2012 9:31 pm | |
| مااصعب ان تحب شخص
ليس لك
تهبه قلبك
يكون كالشمعه تنير حياتك
تعشقه حتى يصبح خيالك
وتاتى لحظه
لابد ان يودعك
تصرخ
فلايرد عليك
تشتاق اليه
فلاتجده
بحروف من دهب لاقيتها سيبالى جواب
بتقولى حبيبى اسفه بعدت عنك
هو فيه بعد اسفك عتاب
حبيبى خد بالك من نفسك
عادى بتقولها فى كل جواب
حبيبى اوعى تنسانى
داانا كنت اغلى الاحباب
بتوصينى افتكر حبنا
وادعيلها ربنا التواب
بتقولى اتجوز بعدها
مكملش حياتى عذاب
قلبى وقف فجأه بدا عليا الاستغراب
صرخت بنبض قلبى
حياتى
ايه معنى العذاب
الدنيا بتلف بيا
نفس الشوارع
نفس الابواب
المطر بيزود نارى
وصوت الرعد صوت عذاب
ومن مدينه لمدينه بجرى
صوتها عن عقلى ماغاب
طلغت اجرى على بيتنا
اقول متخافش جواب كداب
لحد ماوصلت للغرفه
لاقيت دموع الاهل والاحباب
كله لابس نفس اللون
كله بيعانى من العذاب
لا ياعينى متذرفيش دمعه
حبيبتى ماخترتش الغياب
قالولى مااختارت
بأمر ربك
منه المبتدا واليه المآب
قلبى بيدق بسرعه
عينى وقفت شعرى شاب
عايش انا ولا ميت
حقيقه دى ولا شعور كداب
معقول حبيبتى ماتت
واخرة الحب عذاب
عقلى بيعاند فيا
اقوله ماتت يمانع
وقلبى بيقول لعنيه
معقول!! معقول ده امر واقع
معقول هى بس اختفت وكل شىء فى مكانه
طيب مين هيراعيك ياقلبى
ويصبرك على الزمن وحرمانه
مين هينام فى حضنك
متخيلتش حد مكانه
كتبالى اصبر على فراقى
واحذر القلب وعصيانه
بتقول مفيش مخلوق احن عليه
من رب اللطف ورحماته
اسفه حبيبى هتتألم
بسمع قلبك وأهاته
دموعك بتحرق فيا
متبكيش
وحياة حبى وذكرياته
حبنا دايم فى قلبى
فى روحى
حبنا اجمل معزوفه
بيعزفها القلب بنبضاته
بحاول ياحبيبتى صدقينى
امنع دموعى
بس اعمل ايه
سامحينى
ماانتى اللى روحتى وسبتينى
قلبى ده لا مش قلبى
ولا ده لسانى
ولا دى عينى
كل شىء بيقول بحبك
كل همسه بتقولك
وحشتينى
كل دمعه تمشى على خدى
تفكرنى بذكرياتى وسنينى
كل مافيا بيناديكى
اقوله كفايه
يعصينى
وعد وعدناه سوا
لاابيعك ولا تبيعينى
وانا دلوقتى مش ببيعك
ولادموعى دى تمن سنينى
دموعى علامه لحبك
بتوجعنى بس بتحيينى
بتثبتلى انى بحبك
رغم بعدك عن عينى
بس انتى موجوده بقلبى
بين ضلوعى وشرايينى
ياعين كفايه دموع
ياقلبى
اهاتك بتوجع فيا
قلبى يقولها لا يعين
دموعك دى بتروينى
بتروينى من نار حبها
بس نار حبها
احن من صمت يقتل فيا
يارب انت رزقتنى بيها
زى الملايكه بتراعينى
بشوف الدنيا بعيونها
فى عز البرد تدفينى
لو اخاف
كلمه منها تطمنى
ترجع الدم لشرايينى
يارب مش بطلب ترجعها
ولا بعترض على حكمك
بس لو كان ليا يارب
دعوه مستجابه عندك
فى الجنه اشوفها تانى
عبدك طمعان فى كرمك
| |
|